2017/08/20

[親子] 小欖充氣水上樂園~ 濕身玩水再BBQ, 玩足一日好滿足

這個夏天真太熱, 與其做隻旱鴨子在炎夏煎乾, 不如樂活水中, 消暑又能玩上一整天. 今個夏季已帶QB去過不少地方玩水, 但早前沙灘被污染, 幸好想玩水還有大型的水上樂園, 早前我們就去了位於屯門的小欖燒烤樂園玩水+燒烤, QB玩得十分開心. 

一向喜歡玩水的QB一知道有得玩水, 已十分興奮, 今次玩水之餘又有得燒烤, 絕對岩晒超愛吃既佢. 

我們第一站先去玩水, 今個暑假小欖充氣水上樂園載譽歸來, 開放至9月10日, 每個周末充氣水上樂園也開放.

每節2小時, 大小同價, 而小童不高於100cm是免費入塲的, 所以QB也是免費的. 

在門口買票入塲後, 一會會有一條手帶以作識別. 然後可把鞋放在門口的木架上, 如想放置個人物品, 可付$10要職員代為存放在售票處旁的置物架上. 另外, 有獨立更衣室和沖身處, 不過由於是室外地方, 難免會有蚊, 記得要帶定蚊怕水或蚊貼. 

換好衫入塲前, 先有一個洗腳池清潔一下雙腳.
充氣水上樂園的最大賣點是有6 條大、中、小型滑梯, 最高可達8米
這些滑梯相當刺激, 不懂泳術的我沒有膽量試, 爸爸試過說速度很快, 十分好玩. 
另外, 塲內有4-5個充氣水池, 並有水彈戰區、搖搖香蕉、水上飛碟、大滾筒、兒童歡樂水城等遊戲設施. 
雖然是週末, 但沒有十分擠迫的感覺, 環境挺舒服的, 可以盡情地玩水. 

QB也是膽小鬼, 滑梯當然不敢玩, 但行走這些平坦的充氣隧道她卻很雀躍. 

每到週末, QB就只會黏着爸爸, 媽媽樂得清靜, 專心玩水和影相.

滑梯分佈在塲內不同地方, 不用排隊, 想玩幾次都無問題, 絕對可以Sir到夠皮先走

QB對波波水池最有興趣, 玩足2個鐘都唔厭


原來係七彩波波水池影相好靚呀, 我忍唔住不停幫QB拍寫真


有爸的孩子是個寶, 你看兩父女玩得幾忘我!

炎炎夏日, 玩水最寫意, 即使不愛刺激滑梯, 在水池中浸下水都好舒服好爽.

媽媽要顧住相機, 很多時間都只能浸下腳, 好羨慕池中的爸爸和QB, 見到都涼浸浸, 暑氣全消.
玩完水, 開始肚餓, 稍移玉步到隔鄰的小欖燒烤樂園BBQ最好不過. 

小欖燒烤樂園還推出夏日大優惠:
- 全日任燒星期一至五: $88/位 開爐費$30
- 星期六日及公眾假期: $108/位 開爐費$40。
小童100cm以上才要收費, 125cm以上就計成人收費.
當天我們是駕車到來, 在門外有大片空地可免費泊車, 如沒有自駕, 也有不少交通工具可直逹. 在售票處外也張貼了電召的士的電話, 玩得夜都不用擔心無車搭問題. 

小欖燒烤樂園我也來過很多次, 塲地十分大和濶落, 這天我們還特意選了臨海座位, 可以吹着海風燒烤, 感覺又不算太熱.

每位包一支水/加多寶和一罐汽水, 我還是第一次飲加多寶, 味道似黃老吉, 是涼茶來的, 都幾好味. 
入塲後要取食物, 飲品, 用品和開爐也要憑單換領, 所以緊記不要遺失. 
用品有燒烤叉, 食具, 紙巾和蜜糖, 而托盤則是用來盛載燒烤肉類的
食物部有專人服務, 而蔬菜和麵包則自取, 都用密封食物盒存放, 衛生整潔. 
肉類選擇眾多, 想要什麼就叫職員取, 同樣衛生整潔. 

另一邊有免費醬料, 如還是覺得不夠, 小賣部還有一些配料出售. 而暑假期間推出開胃的泰式燒烤食品如酸甜豬頸肉, 香茅豬扒等, 都幾特別同惹味.
小賣部售除了食品和飲品外, 還有一些兒童遊戲暑和玩具出售.


另外仲有急凍虎蝦, 蜆和新鮮菠蘿賣, 食物種類好豐富.

玩完水真的十分肚餓了, 拿了一大堆食物開始BBQ, 每次聞到炭火的味道, 就有種假日的好心情, 好relax好滿足.  
燒烤基本上沒有限時, 一大班人真的可玩足一日, 現塲所見有朋友租了麻雀枱攻打四方城, 好投入忘我, 都幾有風味. 
小吃貨玩完水胃口大好, 假日大解放, 來個BBQ放題任食, 咬着粟米都笑到見牙唔見眼. 
燒了2個多小時, 大家都飽到捧住個肚, 爸爸買來新鮮菠蘿消消滯, $20有咁多塊, 好抵, 味道仲好多汁好清甜添. 
平時D親子活動就得小朋友, 大人多半是在旁陪玩...來小欖燒烤樂園, 大人細路一齊玩水消暑, 之後又可以BBQ食個痛快, 消磨一整天, 絕對係暑假的理想假日活動, 同時滿足大人和小朋友, 趁開學前帶小朋友黎玩個痛快啦~
小欖燒烤樂園
地址: 屯門青山公路小欖段 DD384 LOT253 (鄰近水警宿舍)
電話: 2459 9928 

網址: www.bbqbeach.com.hk

合作邀稿, 文章內容純屬個人分享,並不涉及任何商業成份~

聯絡合作和活動:
email: sherice_hy@yahoo.com.hk
Facebook: Mini Bubble Corner

Blogspot❤ ❤Pixnet❤ ❤The Ztyle❤ ❤She.com❤ ❤weshare
Qooza❤ ❤UBeauty❤ ❤Beauty Exchange❤ ❤博勢力
Esdlife❤ ❤ chef-diary❤ ❤OpenRice❤ ❤mamibuy❤ ❤ubaby