2019/01/31

[育兒] 自然輕鬆家庭照~留住温馨時光

身邊既朋友經常影家庭照, 反而身為blogger, 經常要影相既QB一家, 卻好少好認真咁影一輯全家既靚相! 因為老公係唔鐘意影相既人, QB又情緒化, 要兩位大人配合, 好講天時地利人和配合!於是我們一家人的第一輯家庭照, 一拖就到QB 3歲幾先完成啦. 

​要影一輯靚相, 先講天時~ 

今次我地揾左Je Reve Photography既Wing 幫我地操刀. 講起來這輯相等左好幾個月先完成, 最初想喺QB 七月生日時影, 但QB一熱就容易忟憎同出汗, 我覺得同小朋友影相心情好重要! 最後一等就等到11月尾秋涼先影. 
​
第二個條件係: 地利

原先溝通時考慮過幾個不同的地點, 但奄尖的媽媽想自然得來又有點不一樣, 無錯...要求多的是我! 難得攝影師Wing亦很有耐性的提議及搜尋一些特別既地點拍攝. 最後選擇去大埔火車站附近這充滿英式風格的地方拍照, 原來大家也是第一次來這裡呢~
​
紅磚牆英式建築加大草地, 遊人不多, 是絕佳的拍攝勝地, 也減少比人行注目禮或要避人既尷尬情況. 

今次我們一家亦專登襯一Set家庭裝, 以黑白為主, 我同QB的格仔裙是分開買的, 但卻是十分match的親子裝, 好多人讚靚呢XDD
​
同小朋友影相, 最大難度係要佢地有耐性同合作. 帶備一些小道具是必須的, 泡泡槍, 毛公仔最方便, 每個家庭一定有!. QB追泡泡自然流露的反應, 還有爸爸媽媽一齊玩既情況, 温馨又自然. Wing會一直捕捉這些珍貴歡樂的畫面.
​
最後一個最重要的條件: 人和

QB是一個慢熱既孩子, 對陌生人要先warm up一陣才能投入. Wing是帶點文青型的爸爸級攝影師, 很温文, 亦很有耐性跟QB傾計, 打破隔膜先開始影相.
​
小女孩由初初很緊張, 很拘謹, 到後來慢慢活潑起來, 做回自己.
​
平時俾媽媽影相唔多合作, 但跟Wing就出奇合作, 要擺咩pose都照做, 媽媽都唔知好嬲定好笑...
​
除左幫小朋友影相, 同家庭照外, Wing也會幫爸爸媽媽影Snap, 不經意的相片更有味道呢~
​​
到後期大家都熟絡了, 一齊做D鬼馬動作更有趣
​
温馨既畫面當然唔少得..
​
平時跟爸爸好少機會影合照, 今次終於有新既合照了.
​​
很喜歡這一輯家庭照, 拍得自然舒服無壓力, 不造作, 卻是最真實的家庭寫照和紀錄~
​
影家庭照我一向喜歡外影外於影樓, 因為更自然, 小朋友也會開心投入一點. 靚相當然重要, 但一家人開心的回憶更珍貴, 謝謝Wing給我們美好的紀念! 
​
Je Reve Photography

合作邀稿, 文章內容全屬真實分享及個人意見, 只供參考之用~
張貼者： 於
標籤： , ,

沒有留言:

張貼留言

訂閱： 張貼留言 (Atom)