QBmama: [美食] 提早團年食上海菜~

2019/02/01

[美食] 提早團年食上海菜~

未到新年已經日日有食神啦, 雖然最近有發福跡象🙈, 但都唔理啦, 節日流流美食源源不絕, 繼續貫徹QB家精神, 食左先講啦😋! 過完2月先地獄式減肥啦🤣~ 前日帶囡囡去探朋友, 順手等埋老公係宇晴滙既「上海姥姥」食埋飯先返屋企. 見到佢地有新春賀年套餐《金湯全家福》, 價錢又唔貴, 一於試下, 提早團年!

🍤「姥姥金湯全家福」

上海人春節必食，八款主菜包括海蔘, 上海蛋餃、百葉包、上海鹹肉片、大蝦、雞腿件、炸豬
肉丸和鵪鶉蛋, 湯底以南瓜及番茄熬製而成, 味道清甜不膩. 另外加入津白和粉絲, 沾滿湯汁, 既好味又健康, 新年成日食油膩野, 清淡味道更可喜.

🥟「大紅大紫小籠包」
大紅來自小籠包皮, 以紅火龍果汁搓成; 大紫來自饀料中的帶子諧音, 並混合XO醬和鮮嫩多汁的豬肉, 十分有心思! 小籠包皮厚薄適中, 入口juicy多肉汁, 帶子鮮嫩, 一定要趁熱食呀.

🐟「年年有餘老壇酸菜魚」
四川名菜, 岩晒鐘意食辣既我! 一上菜已傳來香辣味道, 魚塊預先起骨, 啖啖肉, 份量又好多, 配合唐芹、肉碎、辣椒乾及花椒粒, 加入老雞豬骨濃湯中烹煮, 味道香濃. 入口先是一陣微微麻辣刺激味覺, 但食落又覺得係香多於辣, 魚肉清, 酸菜香辣, 相得益彰, 係我至愛既菜式。