2019/06/26

[美食] 高質愛爾蘭菜

女兒學校放幾日假, 難得平日不用趕着回家, 跟爸爸說不要在家中吃, 一於出街食下飯輕鬆下. 剛巧爸爸在圓方附近開會, 因利乘便就在商場揀一間餐廳食啦! 

原來平台花園有一堆餐廳, 有西餐有中餐, 感覺很relax, 亦係放工後chill out的好地方, 不少上班族在這享受happy hour, 入夜後十分熱鬧. 
McSorley's Brewhouse & Grill 主打愛爾蘭菜, 反正未試過, 便決定入內一試. 餐廳下層是酒吧區, 相當多外國人在這消遣, 本來帶着小孩也準備打退堂鼓了, 但店員告知上層餐廳用膳為主, 即管上去看看, 發覺環境跟下層截然不同, 是一個fine dining的好地方.  
晚上的燈光較昏暗, 很有情調, 座位間空間濶落, 私穩度甚高, 我們被安排到梳化卡座, 更是舒適. 

因有小孩關係, 店員貼心的拿來畫紙和顏色筆讓孩子娛樂, 短暫給父母寧靜的空檔可休息和點餐. 
難得可以出街食飯, QB表現風騒, 十分滿足.

對愛爾蘭菜沒太多認識, 從餐牌選擇看來, 也較近似美式菜, 因此份量也比較大, 口味亦偏向美式菜的濃味.

餐廳沒有水供應, 如不想飲酒或花費點飲品, 可以$10元柯打Moda 飲用水, 有一般礦泉水或Sparkling waterSparkling water可選. $10元也算合理收費, 我們點了2支.

頂級安格斯芝士漢堡 ($188) 
漢堡飽圓碌碌好飽滿, 見到都想咬一啖. 內裡是厚切安格斯牛, 約8成熟, 入口不會硬, 好有口感之餘仲好juicy, 肉汁不期然滴出, 味道夠香濃. 加上兩層車打芝士, 芝味十足, 另外有酸瓜, 洋蔥, 蕃茄, 生菜放一旁, 可以自行加入, 唔怕因蔬果出水令飽變稔影響口感, 亦能保持burger的外觀不會東歪西倒. 另外, 薯條亦炸得好香脆好惹味. 


Baby Back Ribs醬燒豬仔骨 ($298)
燒汁香濃, 豬仔骨一切即開, 肉質稔軟但保持一定嚼勁, 並帶有香濃的酒香, 不乾不鞋, 肉多入味, 很有水準.

野菌黑松露濶條麵 ($218) 
很creamy很香濃, 混合芝士粉, 每條濶條麵都掛滿醬汁, 麵條彈牙口感煙韌, 份量多又飽肚.
總括而言, 食物的水準很高, 口味也洋化, 員工態度親切, 服務殷勤. 下次假日可再來吃個Brunch, 想必感覺更relax, 另有一番風味! 
McSorley's Brewhouse & Grill
尖沙咀柯士甸道西1號圓方(Elements)3樓平台R001號舖
電話: 27364888

合作邀稿, 文章內容全屬真實分享及個人意見, 只供參考之用~

沒有留言:

張貼留言