2019/06/06

[美食] 得閒係要飲茶既, 新派傳統點心任你揀

Happy Friday接了囡囡放學後, 都喜歡外出食午餐開心下. 問阿囡話想飲茶, 但附近酒樓又吃到有點悶, 突然醒起之前行過一間新開的點心茶居, 於是就帶囡囡姐姐去試下. 

​得閒飲茶係平民茶居, 午飯時間全店滿座, 似乎口啤唔錯. 店員見我地帶住小朋友, 特意安排了卡座, 十分貼心. 

食物方面跟傳統酒樓相約, 有即叫即蒸點心, 腸粉, 炸點, 蒸飯等. 另外提供燉湯, 亦有數款可愛造型點心, 傳統和新派結合. 
​
見阿女最近經常咳, 要飲返多D潤喉潤肺湯水, 依款五指毛桃燉豬骨湯, 原燉蒸燉, 保留到原汁原味, 味道十分香甜濃郁. 五指毛桃湯帶有椰子香, 加上蟲草花, 對氣管很有保健作用. 
​
看單紙就完全被黑金流沙包外型迷倒, 本來不愛吃奶皇也忍不住點了. 圓渾的黑色飽, 表層點綴了食用金漆, 賣相十分型格. 
​
味道是竹炭包, 內裡是流沙奶黃饀, 竹炭並無特別味道, 但包的質感相當不錯, 香軟而有回彈力; 流沙奶黃並沒有預期中重奶味, 反而比較清淡, 倒是合我口味, 值得推介. 
​
蝦餃王4隻30元, 也是合理價錢, 皮薄而富韌性, 每隻蝦餃內有至少3隻蝦, 夠足料, 都十分彈牙鮮甜. 
​
其他蒸點如薑蔥牛柏葉, 鳯爪也夠大碟, 沒有太多配菜鋪底墊高, 真材實料. 味道也夠傳統, 最值得讚是不太鹹, 沒味精, 吃完不用狂喝茶解鹹.
​
看見別人點了蒸飯, 用荷葉籠仔蒸, 賣相吸引, 份量也不少. 點了原籠香茹章魚飯試試, 章魚肉飯接近鋪滿整個籠仔的面層, 十分足料. 肉飯鬆軟又有嚼勁, 絕非實噹噹一類, 亦很有鮮味. 加上章魚的鹹香, 飯粒分明軟硬適中, 不用加太多醬油也很夠味了.
​
最後就是女兒點名要的三隻小豬 - 果豚肉脆脆豬. 賣相十分可愛, 小豬其實是鹹水角, , 即叫即炸, 外層很香脆, 白色糯米層內層相當黏稠煙韌, 加上半肥瘦豬肉, 沙葛等傳統鹹水角饀料, 真的睇得又食得.
​
女兒相當喜歡, 能夠俘虜少女心, 已經回本啦.
​
爸爸後來看見我們的相片, 竟萌生醋意, 話點解無佢份XDD...我立即安撫佢話下次再一齊去食. 有時去得酒樓多, 食物千篇一律, 試下新式茶居, 又有新驚喜! 
​
得閒飲茶
地址: 元朗谷亭街13號傑文樓地舖
電話: 26148828

合作邀稿, 文章內容全屬真實分享及個人意見, 只供參考之用~

張貼者： 於
標籤：

沒有留言:

張貼留言

訂閱： 張貼留言 (Atom)