[美食] 希慎裡的江湖菜館

成日都覺得希慎既食店都唔平, 所以好少係度揾食. 不過原來有例外, 這天帶女兒來工作, 之後到誠品打左陣書釘, 等爸爸放工一齊食埋晚飯先返家, 天氣太熱唔想周圍揾食店, 在水牌中看看有無岩食的, 比我見到14樓名館! 記得之前朋友介紹過, 抵食又有水準, 見不用怎麼排隊, 一於試試看. 

​名館是走新派路線的"江湖菜" 比較新穎的term, 江湖菜, 我解說是接近大排檔等家常菜, 不sell名貴食材, 而是把平民化食材煮出具風味的菜餚, 所以這裡的定價也一樣要夠"江湖" 要親民.

​

餐廳帶點點港式茶記的懷舊味道

​

​

餐廳提供的蕎麥茶, 有獨特米香, 亦正氣有益, 頗有農家風味.
​
陳醋手拍青瓜 ($42)

我很喜歡的前菜, 青瓜切得幾大件, 拍鬆了更入味. 酸酸甜甜的, 爽脆清新, 是夏天很fresh的前菜. 如加多一點辣度更惹味.
​

鮮肉小籠包 ($58/ 5隻) 

個人比較傳統, 小籠包喜歡原味鮮肉饀多過蟹粉, 黑松露什麼的, 所以還是原味最好, 而且又平D. 小籠飽一定要趁熱食, 夾下感覺外皮都幾實在, 稍稍有點厚, 不過好處是不易穿破. 鮮肉juicy又夠鮮味, 湯汁熱辣辣燙咀, 新鮮好味. 

​

​
厚切叉燒皇 ($78) 

燒味我們一家也很喜歡, 老公和女兒愛吃乳豬, 我倒是叉燒的頭號粉絲, 不過要吃到有水準的叉燒不易. 這碟例牌叉燒, 用上半肥瘦肉烤製, 香軟稔滑, 肉質不鞋, 亦不會死鹹, 蜜汁甜味令叉燒更香甜,送飯一流.
​
​

蜂蜜柚子蝦球 ($88) 

蝦球用脆漿包裹炸香, 屬中蝦size, 幾有份量. 柚子蜜香甜中帶微微柑橘皮澀, 甚為特別, 好岩夏天食. 蝦球脆彈, 粉漿亦不算厚, 很有水準. 

​
石窩鮑魚雞粒炒飯 ($108)

石窩能保持炒飯長時間温暖, 口感更好, 炒飯夠油香, 粒粒分明, 又能裹上醬油和調味, 相當出色.
​
在飯粒中尋寶會找到不少鮑魚仔, 女兒最愛吃鮑魚, 最後全數上繳, 通通留給她吃. 天下父母應該都是這樣吧?!
​

欖角肉鬆蒸秋葵 ($58)

秋葵有益係人都知, 但那滑潺潺感覺並非人人接受到, 加入氣味獨特的欖菜和肉碎同蒸, 味道又出奇地夾. 少少鹹, 又有秋葵清香, 味道幾好又夠清淡, 中和肉氣, 感覺健康一點. 

​

名館
銅鑼灣軒尼詩道500號希慎廣場14樓1401號舖
Tel: 21806578

聯絡合作和活動:
email: sherice_hy@yahoo.com.hk
Facebook: Mini Bubble Corner

❤Blogspot❤ ❤The Ztyle❤ ❤She.com❤ ❤Beauty Exchange❤
❤weshare❤ ❤ULifestyle❤ ❤博勢力❤ ❤esdlife❤ ❤Pixnet❤
❤mamibuy❤ ❤ubaby❤ ❤Oh!爸媽❤ ❤ 親子日常❤
❤chef-diary❤ ❤OpenRice❤ ❤wordpress❤