2019/05/28

[美食] 嘆住火鍋睇電視, 悠閒如置身家中

去完一星期旅行回港, 人好像久久未回魂般, 每天也想着旅行的點滴, 真的很想快點再去! 最近香港的天氣又忽晴忽雨, 認真納悶, 絕對需要靠食好野去振奮心情, 上星期就約埋一齊旅行的朋友來個火鍋聚, 同時作旅行後的賽後檢討. 

​地點選了尖沙咀的禾牛薈. 在樓下時遠遠就能看到一隻卡通牛牛公仔, 一定不怕走過了頭.
​餐廳有2層, 每層的面積不算十分大, 但勝在寛敞, 加上卡位多, 亦有高身靠椅, 穩密度甚高.
​
值得一提是每張枱都設有一個平面電視機, 火鍋動輒食2-3小時, 有電視可以解下悶. 而我最開心梗係可以一路食一路睇<愛.回家>
​
醬料款式不少, 都是大路配料為主.
​
湯底點了健脾養顏的椰子雞湯($188). 奶白色的湯底, 也十分足料, 有椰子片, 粟米, 紅蘿蔔, 豬骨等.
​
先呷一口湯底, 真的清甜無比, 亦有很滋潤的感覺. 
​
黑松露Shake Shake薯片 ($68) 
自家炸的薯片, 切得夠薄, 另附上黑松露粉, 自行放入紙袋中Shake Shake, 夠晒特別. 
​
​
薯片沾上黑松露粉, 一打開袋中已香氣四溢, 薯片薄,但並非脆那種, 反而帶點咬口, 薯味甚濃, 幾有趣, 作為餐前小吃挺惹味的. 
​
特級手切肥牛 ($208) 
用膳時正值有非洲豬瘟, 屠房停工, 多款本地牛皆沒有供應. 於是點美國的手切肥牛, 價錢稍平, 但品質絕對不差. 牛片的脂肪雪花分佈平均花, 厚薄適中, 焯熟後倒是口感十足, 很有嚼勁, 而牛味香濃, 相當高質. 
​
西班牙橡果黑毛豬片 ($138) 
賣相已相當吸引, 黑毛豬片油花充足, 煮熟後仍保持爽脆彈滑, 油脂豐膄甘香, 個人覺得跟肥牛各擅勝場, 不相上下, 都是必食之選. 
​
鮮吊桶仔 ($78) 
一碟有10多條, 吊桶煮熟後會縮少捲曲, 但鮮味突出, 口感爽彈, 十分鮮甜. 
​
手打黑白墨魚丸 ($98) 
白色是普通墨魚丸, 爽滑彈牙 味道清甜; 黑色是加入墨魚汁, 同樣彈牙, 味道相對香濃.
​
自家製餃子 ($88)
脹卜卜的餃子, 餡料有原隻鮮蝦仁, 豬肉, 木耳等, 皮薄滑溜, 餡料彈牙又充滿口感, 吃下十分滿足, 必試之選. 
​
菊花茶 ($68/酌) 
點了一酌清熱降降火, 比飲汽水健康解渴, 亦能喝得出很足料煲, 清甜解膩. 
​
吃火鍋點都一枱都係先有滿足感, 最重要是食材高質, 亦不覺得有味精, 吃完不會口喝.
​
最後更送上椰汁糕作為飯後甜品, 很滿足的一餐.
​
禾牛薈的店員普遍年紀較大, 但服務態度和熱誠比年青人更好, 可見他們投入工作, 還會與客人樂在其中一起唱生日歌,有賓至如歸的家常感覺.用膳氣氛休閒, 不慌不忙, 整體也十分出色, 下次跟朋友火鍋, 會再推介這裡. 

禾牛薈火煱館
地址: 尖沙咀金馬倫道48號中國保險大廈1樓及2樓
電話 : 39973369

張貼者： 於
標籤：

沒有留言:

張貼留言

訂閱： 張貼留言 (Atom)