[親子]QB19m - 快閃玩具展

近來所有親子版都被「香港玩具傳奇」洗版, 那門口的壯觀白兵, 無論你喜不喜歡星球大戰, 都要去朝聖下. 上星期五單拖帶QB出去, 無諗過平日都人山人海, 一個人拖住小B加BB車加一大袋物品, 相原來真的好難影到架(哭)...快閃了2.5hrs, 好多展區都未有時間看, 因為QB的不確定因素太多, 有時會停在一個地方玩到不願走, 有時又不感興趣一支箭走去第二度, 不過見佢都幾enjoy成個過程都幾Hyper, 都是值得帶小朋友來的地方. 

地點位於科學館旁的香港歷史博物館, 在門口買票後就能入塲, 成人只需$10一張, 3歲以下小童免費. 平平地, 都好抵玩, 又可比小朋友放電. 入到塲人山人海, QB已經脫彊咁走來走去(汗), 平時去街甚少這樣, 可能見塲內好多小朋友, 佢好想同其他人玩, 所以瞬間已忘記了媽媽...

塲內有好多遊戲區, 都堆滿了人群, 亦有些影相區, QB一見Duck Duck就衝埋去玩, 有時人家的小朋友正在影相, 我滿不好意思要去捉走QB...

不論什麼年代都離不開動漫, 這些漫畫我都全部看過, 那些年的回憶湧上心頭..




我的童年過得比較沉悶, 那個年代物質不及現代多, 小時侯我最喜歡玩的只有毛毛公仔, 還有....跟哥哥去儲貼紙薄, 儲的是世界杯的球星, 那本充滿傳奇的貼紙薄還留在家中呢..

小時侯我的玩意之一.....金絲貓(蜘蛛)...估唔到呢? 我從小到大都跟動物蟲鳥結下不解之緣..

70, 80, 90年代...你屬於那一代呢?

以前擁有一部Gameboy是身份象徵

朋友仔們愛玩的Barbie, 我一直覺得好恐佈... 哈哈...不過能夠換下靚衫又真係幾吸引的..

本來應該慢慢去展區看看玩具歷史演變, 但計劃趕不及變化, QB從此就在塲內兩大遊戲區玩到拖都唔肯走...第一個是Jenga層層叠積木. 人家叠高, 佢就一塊一塊掉落地, 再一塊一塊拾回..這是什麼玩法? 19m的小朋友就是這樣...

Mega Blocks的大大塊積木更令她玩個不亦樂乎, 在家中已很愛自己拿Lego來玩, 來到這裡多了幾十倍, 她又怎會放過.

可能我經常嚷着她離開, 所以給我一個凌厲眼神.....然後像借了聾子陳的耳朵般, 扮聽唔到, 繼續玩...

在這個遊戲區至少玩了半小時...搬來搬去, 又自己砌下, 已經好滿足..

好不容易把她帶走, 另一邊都是影相區, 有仿舊式的茶室, 街道, 金魚檔等...

好cool既QB, 全程用背對住我, 好難得先影到一張, 明顯不友善的樣子XD

QB全程就是死跟..追着些大哥哥大姐姐走, 人家玩什麼她又好奇的去查看, 然後模仿. 小朋友一窩蜂走在一起, 又一窩蜂走開...

迷惘的QB留在原地XD

全程趕羊仔, 叫她去左, 她就去右; 拖住又甩開我的手, 很多時我要扮嬲才令她不情不願跟着我走..未到兩歲已經很trouble了.


另一個朝聖位是地下的千隻黃鴨...不過要走過去影相要排隊, 單拖比我排到都無人幫我影啦, 所以離遠影下就算了..



幸好遇上有心人, 才能幫忙影這天唯一一張合照:)

其他的Figure還有QB很驚的變型金鋼, Batman, 隱者龜等等(她總害怕巨型的Figure)...門口的Thomas火車QB一樣驚驚, 跑得遠遠的...
​​
臨關館前半小時又回到塲內比QB周圍玩下..

這些膠粒粒可以激發小朋友的創造力, 砌出不同的物件, 在塲所見, 大人玩得更雀躍, 不停砌砌砌...

為了令QB開心, 一向沒什麼手作天份的QB媽都即塲砌了隻鴨仔比QB

QB好開心抱着Duck Duck不放..

最後小學雞Duck Duck放在其他大師級作品中, 都不太失禮吧~

QB放完電好滿意, 到6時多閉館前拿拿臨在門口跟白兵團影幾張前

全程都好緊湊, 玩具展展期到5月, 待人潮散了, 可能會再來一次, 下次要早一點, 可以給QB玩長時間一點.

最後Selfie合照不成, 唯有自己影張留念啦.

現凡憑票入塲會贈送一款玩具. 

「香港玩具傳奇」2017年3月2日至5月15日

地址: 香港歷史博物館 (九龍尖沙咀漆咸道南100號)

電話: 2724 9042

開放時間:

星期一、三至五 : 上午10時至下午6時

星期六、日及公眾假期: 上午10時至晚上7時

星期二（公眾假期除外）: 休館

website: http://hk.history.museum/

聯絡合作和活動:
email: sherice_hy@yahoo.com.hk
Facebook: Mini Bubble Corner

❤Blogspot❤ ❤Pixnet❤ ❤The Ztyle❤ ❤She.com❤ ❤weshare❤
❤Qooza❤ ❤UBeauty❤ ❤Beauty Exchange❤ ❤博勢力❤
❤Esdlife❤ ❤ chef-diary❤ ❤OpenRice❤ ❤mamibuy❤ ❤ubaby❤