歐陸氣息西班牙菜~La Postre

考完試要輕鬆下，個囡最鐘意其實都係飲飲食食😂繼續唔出城都食到好野，我就揀左去 La Postre食西班牙菜Chill下🥂。依度環境舒服開揚，光線充足，滿有歐陸情調，打卡都幾靚✨

西班牙菜又點少得各款Tapas小食, 精緻小巧可以試多幾款。

🍅蕃西班牙蒜香甜辣椒仔蕃茄多士
🐷風乾火腿鮮蕃茄多士
🦐海鮮芒果醬茄莎莎多士
🍄鮮蝦磨菇忌廉芝士多士



賣相色彩豐富繽紛係西班牙菜特式之一，所以蕃茄既出場度極高🍅配上原隻甜椒仔🫑微微的辣度下開胃惹味；我更愛清新鮮甜的🥭海鮮芒果莎莎，酸酸甜甜加上新鮮結實大蝦，是夏天的濨友滋味😋。鮮蝦磨菇忌廉芝士是另一種風味，點綴黑松露醬，跟忌廉是絕配！

脆炸魚柳薯條🍟
用上原塊魚柳，每塊都炸得結實飽滿，放耐左都無變淋和下塌。粉漿挺身而脆薄，魚肉軟滑juicy, 一啲都唔鞋口，薯條一樣香脆，配埋他他醬更滋味。



澳洲肉眼牛扒🥩
因為預左俾小朋友食，只敢點7成熟，生熟度都控制得幾準確。肉眼肉質稔軟，味道香濃，唔韌又無乜渣。

抹茶麻糬窩夫🧇
配上抹茶雪糕、抺茶小切餅、紅豆醬，賣相精緻，配搭豐富。窩夫加入麻糬口感更軟糯，外脆外軟，有蛋香而不過甜，食多幾件也不覺膩🤩。

另外試左杯 LycheeMojito🍹, 無酒精小朋友都飲得，新鮮荔枝果肉加上梳打水製成冰凍特飲，清甜解渴。仲夏水果茶賣相吸引，茶味突出，比預期中無咁甜，清淡中滲出果香，好清新。

食午餐真係幾抵，環境好，服務都唔錯，唔出城都試到比較少有既西班牙菜，悠閒享受完下午茶再同個囡行下街，感覺好幸福呢💖！



La Postre
元朗形點一期地下G010號舖

***********************************************************

更多生活分享和趣事, 有興趣可追蹤我架^^

Facebook: Mini Bubble Corner
IG: qbmama313

❤Blogspot❤ ❤She.com❤ ❤mamibuy❤ ❤U Blog❤ ❤Pixnet❤ 

❤esdlife❤ ❤Oh!爸媽❤  ❤sundaykiss❤ ❤wordpress❤

❤chef-diary❤ ❤cook1cook❤ ❤OpenRice❤

**********************************************************