2018/07/10

[親子] YOHO MALL 暑假帶你走入恐龍世紀

暑期活動多籮籮, 其中一個一早mark低要去的是Yoho Mall 「#DINOLAB恐龍實驗室」,家住元朗既我當然不能錯過, 要先睹為快啦. 尋日就帶左QB去試玩! 我都預計小女孩見到寵大巨型的恐龍會好驚, 的確不出所料, 全部都只敢遠離50公呎望, 媽媽稍稍行開就立即大叫, 不過又要驚又要玩係小朋友本性, 回家後仍不停說着 Dinosaur Dinosaur....難道你不明白, 你就是我家中的Dinosaur嗎? XDD..

今個暑假YOHO MALL引入由台灣INCEPTION啟藝策展的「#DINOLAB恐龍實驗室」集合展覽、互動體驗、遊戲、知識教育於一身,加上機動的恐龍發出逼真的嘶吼及搖頭擺尾,打造一個全方位的實驗基地. 大家可化身硏究人員, 進行一系列考古探險和任務, 穿越侏羅紀, 近距離接觸和認識這些曾經稱霸地球的恐龍. 

展覽和活動場地分別有YOHO MALL I 中庭、主廣場及白鷺公園入口. 三大主題館包括「恐龍生命館」、「恐龍互動館」及「化石清修館」

中庭的「恐龍生命館」呈現恐龍生命的演化,從恐龍蛋中破殼而出、生存至絕種成為化石. 
場內展示了兩隻1:1比例, 像真度十分高的恐龍, 分別是長31尺的霸王龍和23尺長的三角龍.

聳立在廣場之中, 真的霸氣迫人. 最迫真是這兩隻巨大恐龍會發出迫真的嘶叫聲, 頭部會轉動, 咀也會開合, 真係好有電影感, 超迫真. 

QB相當驚慌, 好幾次忍唔住嚇到喊左出黎, 但又忍不住望到唔眨眼

另一邊亦擺放左一副劍龍化石, 長逹7呎, 一樣氣勢迫人. 
劍龍係我喻為最有型的恐龍之一, 連化石都型過人...QB又驚又要扮張開口"嘩" 的叫聲, 認真搞笑. 

恐龍的生命, 由BB說起...「恐龍生命館」可以讓你親手抱抱破蛋而出的恐龍BB. 

這隻恐龍BB係會郁會發出聲音架, 好有趣, 不過都幾重既, QB咁細既小朋友應該抱唔起啦. 抱BB都係媽媽最熟手....你睇, 幾可愛~

考古巢穴的化石探勘場, 小朋友可以化身成考古學家, 在沙堆中尋找恐龍駭骨. 要90cm以上才可入內玩架. 

如果成功掘到這款恐龍, 仲會有小禮物添..

探知完恐龍生命, 各小考古學家稍移玉步到Yoho Mall 1主廣場的「恐龍互動館」

凶猛的暴龍頭已在迎接大家,暴龍頭眼皮會開合,瞳孔會放大縮小,精細逼真,並會發出轟轟的聲響, 現場各小朋友都驚慌尖叫, 不敢走近XDD

異特龍頭及三角龍頭都好迫真, 將頭放入恐龍頭後說話,異特龍頭及三角龍頭隨即會模仿聲音發出相應的吼叫聲,將你的語言翻譯成恐龍語,好有趣呀. 

暴龍體型龐大, 一餐要食幾多, 你地又知唔知? 企上這個「暴龍吃飽飽」體重機上,能夠根據體重,評估一隻暴龍究竟要一口氣吃掉多少個「你」才會飽。原來一餐要食12個QB呀...而我則要4個, 果然胃口驚人!

度埋高先, QB原來只到暴龍既小腿咋.

另一邊的恐龍解碼任務, 有4個小遊戲比小朋友玩. 
「恐龍知多少 可以使用放置的磅分辨出最重及最輕的恐龍, 又可以呎量度最高及最矮的恐龍


「恐龍尋寶 - 小朋友可在尋寶箱中揾出小恐龍的數量 

「恐龍之最 - 從遊戲區內的恐龍資料庫中找出答案, 加深對不同品種恐龍的認識.

「拯救恐龍蛋- 遙控地上的小恐龍運送恐龍蛋安全到逹終點. 

大恐龍QB好驚, 小恐龍卻好得小妮子歡心, 還餵恐龍仔食野添. 

「化石清修館 (YOHO MALL I 白鷺公園入口)

小朋友穿上實驗袍, 帶上口罩和手套, 化身小小考古博士, 親手利用清修工具小心翼翼地從化石清修出恐龍骨. 

然後把恐龍骨還原為一隻原整恐龍模型. 

過程要花點時間, 砌也有點技巧, 最後當然由資深考古學家- QB媽完成. 成功通過考古巢穴、恐龍解碼任務及化石清修館三個任務,並集齊印章,即可獲得「#DINOLAB恐龍實驗室博士證書」一張! 

以為侏羅紀之旅踏入尾聲? 突然從背後聽到有低沉既嘶叫聲, 轉身一看, 嚇得大家爭相逃跑...原來是真人版巨型恐龍現身...

寵大的恐龍步步迫近, 小朋友們叫聲哭聲此起彼落, 真係充滿娛樂性呀. QB在驚恐中被媽媽抱起跟恐龍合照, 露出極驚慌的樣子XDD.

隔了一會後, 開始接受了巨型恐龍, 肯靠近牠, 還跟牠握手, 但仲係唔敢單獨走近, 不過已經好叻女架啦~

「#DINOLAB恐龍實驗室」娛教育和遊戲於一身, 係一個十分好既親子和暑期活動黎, 一定要帶小朋友黎體驗~ 

影片分享~ 

「#DINOLAB恐龍實驗室」香港站
日期: 2018年7月11日至8月24日 (10am - 10pm)

地點: YOHO MALL I 中庭、主廣場及白鷺公園入口
網址:www.YOHOMALL.hk

合作邀稿, 文章內容全屬真實分享及個人意見, 只供參考之用~

聯絡合作和活動:
email: sherice_hy@yahoo.com.hk
Facebook: Mini Bubble Corner

Blogspot❤ ❤The Ztyle❤ ❤She.com❤ ❤Beauty Exchange❤
weshare❤ ❤ULifestyle❤ ❤博勢力❤ ❤esdlife❤ ❤Pixnet
mamibuy❤ ❤ubaby❤ ❤Oh!爸媽❤ ❤ 親子日常
chef-diary❤ ❤OpenRice❤ ❤wordpress

沒有留言:

張貼留言