2021/06/02

不一樣的K3~ 幼稚園畢業照

今日係小學派位既日子,希望各位小朋友都順順利利入到心儀既學校💪

踏入6月,意味住QB既幼稚園生活都走到尾聲🥲,話咁快又三年,雖然實際返學時間只有1年半左右😭 但在她的記憶中依三年都係開心同無乜壓力既。
認識左幾個好朋友👭,不過小學又會各散東西,樂天既QB信心滿滿話佢好容易識到新朋友,唔洗擔心🧡

疫情關係連畢業禮都要Zoom💻, 媽媽當然表示無奈,不過阿Q啲諗有總比無好🙁 依兩年更明白靠學校不如靠自己既道理🙈 遺憾今年連畢業袍都拎唔到,但總算喺機緣巧合下影左幾次畢業相📸,分別同閨密、同班同學、仲有青梅竹馬朋友仔,由冬天影到夏天,自製儀式感填補校園生活的缺失🙃。


仲有幾個月踏入佢(同我)人生新階段,停學咁耐「乜都無學過」阿媽難免擔心新學年自己會吐血🤮💥不過暫時唔諗住,享受埋依幾個月先算啦🤣


依輯相係上年11月約埋芊嶠與細佬·雞蛋仔影既,一直儲存喺舊手機中,終於的起心肝整理下,兩個小女孩來自唔同學校,但感情一早昇華到親姐妹級(我都多左個囡咁🥰), #閨蜜畢業相 都好值得留念,大個囡一齊踏入新階段,要繼續一齊笑一齊喊呀💖 


依輯相喺就係早左啲影,但冬天影相係爽既🍂,至少唔會濕晒啲頭髮痴埋一撮😆。大埔火車博物館影靚相總有保證,但就唔適合一大班人一齊影啦,好似佢哋2個影就好perfect!



Photo Credit: Je Reve Photography

#K3畢業相 #火車博物館 #幼稚園畢業相 #話咁快就三年 #報幼稚園既情景仲瀝瀝在目 #小學雞 #閨密照 #我們畢業了🎓

合作邀稿, 文章內容全屬真實分享及個人意見, 只供參考之用~

聯絡合作和活動:
Email: sherice_hy@yahoo.com.hk
Facebook: Mini Bubble Corner

Blogspot❤ ❤She.com❤ 
mamibuy❤ Beauty Exchange❤ 
U Blog❤ weshare❤ ❤Pixnet❤ esdlife❤ The Ztyle❤ 
Oh!爸媽❤ ❤ 親子日常❤ ❤sundaykiss❤ wordpress
chef-diary❤ cook1cook❤ ❤OpenRice

沒有留言:

張貼留言