2017/09/19

[親子] 大玩梘番泡@「抱抱海洋館」

之前知道愉景新城開了一個以泡泡為主題的遊戲室「抱抱海洋館, 一直都想平日帶QB來玩, 但上月因她病了足不出戶, 一拖就到9月初才來體驗了. 今次只是剛巧在商塲逛街經過門口, QB突然滿心歡喜的衝到門前指着說: 好玩呀, 玩啦玩啦... 本來想等平日人少一點才來, QB嗲功一出, 爸爸立即心軟, 帶她入塲...

由於是週六的關係, 門口聚集了不少家長, 但大多只是在外觀看, 塲內的人數並算十分多, 而這裡的收費方式也頗特別, 以逐分鐘計, $2/分鐘, 成人陪伴則$30位, 平時非繁忙時段會相宜一點. 離開前才付款.

在門口登記後, 職員會派一件保護衣給小朋友穿上, 以免弄污衣服. 塲內佔地不算大, 分別有幾個泡泡盤, 職員會定時注入泡泡水, 而且有些製泡工具, 可拉出巨型泡泡. 

QB初時十分雀躍衝向泡泡池, 但被泡泡濺濕後, 一向很潔僻的她突然害怕起來, 不敢再玩, 真估佢唔到!!! 據知泡泡由天然粟米油提鍊, 不刺激和傷害小朋友皮膚, QB途中有不小心給泡泡濺到眼晴, 也沒有太大反應, 可知泡泡應該不會澀眼, 可以放心比小朋友玩. 

由於入塲後每分鐘也是金錢, 我當然想QB什麼都玩下, 但一向慢活和慢熱既佢, 就在泡泡盤面前頼死唔走, 媽媽唯有周圍睇下仲有咩玩啦...

在角落處有一"製泡工塲" 放着幾部健身單車, 原來是以動能推動齒輪而吹出泡泡, 都幾有趣喎...家長可一邊運動一邊製泡泡, 是很好的親子活動. 

另一邊是一個大形波波池, 牆上有投影遊戲, 可以一邊拋波一邊取分. 不過要提一提家長, 這種遊戲絕對會令小朋友唔肯走架, 小心睇住時間同銀包XDD

QB全日最開心, 不是玩泡泡, 反而是玩沙, 還不停叫媽媽玩啦玩啦...

把沙倒來倒去她已相當滿足, 早知...... 帶你去沙灘堆到夠啦><

另一邊有一個"釣魚池" 一邊旋轉一邊可用魚桿把池內的磁石魚仔吸起, 比較適合大一點的小朋友玩. 

門口位置是一個巨型的泡泡牆, 小朋友企入去, 家長在外面拉起泡泡牆把小朋友困在內, 的確幾有趣, 不過都同樣要唔少臂力, 又係練大隻既時侯. 

泡泡拉到咁上下高會自動爆破, 對小朋友黎講應該幾得意, 都係個句, D泡泡唔刺激, 爆左都唔洗擔心濺到眼或面會唔舒服或敏感

其實塲內仲有其他野玩, 不過因為每分鐘都在燒銀紙, 又要顧住QB, 實在無瑕細心睇細心玩, budget play最後玩左半個鐘, 加2位大人$60, 消費$120, 都算合理既. 反正三分鐘熱度QB玩左一陣就滿足了, 最後唔駛又拉又扯先肯走. 

原來這裡還有包塲服務, 開Party唔錯, 幾歲既小朋友應該會超鐘意既, 最重要係商塲入面, 比好多party room係工廈裡感覺良好得多, 又有泡泡玩, 大人細路都會滿足既. 

「抱抱海洋館」
荃灣愉景新城2樓 2052-53號舖


聯絡合作和活動:
email: sherice_hy@yahoo.com.hk
Facebook: Mini Bubble Corner

Blogspot❤ ❤Pixnet❤ ❤The Ztyle❤ ❤She.com❤ ❤weshare
Qooza❤ ❤UBeauty❤ ❤Beauty Exchange❤ ❤博勢力
Esdlife❤ ❤ chef-diary❤ ❤OpenRice❤ ❤mamibuy❤ ❤ubaby