2022/04/09

媲美西貢美景 ~ 欣澳長索島連沙洲

好掛住有陽光既日子☀️依兩個月出外既次數寥寥可數,困太久,身心都唔健康,偶然找個地方抖下氣,我選擇去海邊走走🏖。這裡有漫長海堤、有鐵路奔馳、隱世沙灘連沙洲、輕鬆2個鐘行完,放電🔋放風🌪放空🤗都唔錯喎!

欣澳平時都係去迪士尼先路過,好少會停落黎發掘佢既特別之處,但因為遠離市區,周邊配套不多,反而造就一種脫俗的寜靜美。

喺欣澳站落車,步行5分鐘就見到 #海濱長堤,一望無際既海景,偶然看見漁民捕漁和穿梭在海上的蠔田上,悠然自得。

另一邊有鐵路穿梭,頗有日本feel! 喺度吹海風看日落🌄很不錯,唯一缺點係車比較多,帶小朋友要拖實👭。

堤霸盡頭是 #鹿頸村入口,走20分鐘會去到鹿頸村碼頭,沿路經過浮橋、小石灘,兩父女走去學人片石仔😆竟然成功片到2-3下,叻啦👍!碼頭盡頭是白色燈搭,打下卡又唔錯📸!

鹿頸村碼頭再入越過一堆海邊岩石⛰,依段係最難行一段啦,要小心岩石崎嶇同濕滑,一定要扶實小朋友,行幾分鐘後到達一個隱世小沙灘,有好多人影相打卡既木韆鞦

之後就到達 #長索島連沙洲 ,如夾啱潮退🌊會見到如西貢橋咀島既迷你版,可徒步行去對面小島,不過我哋嗰日夾唔岩潮退,就睇唔到依個奇景啦!企喺岩邊影下相,又有種天涯海角既意境!

全程連影相同hea 2個鐘搞掂,不過島上無補給點,公厠衛生亦麻麻,所以要自備糧水同解決晒先起行呀😆

⭐️行程:欣澳>海濱長堤> 鹿頸村>鹿頸村碼頭>長索連島沙洲>欣澳

⭐️想清楚見到連沙洲就先去天文台網站check下潮夕漲退時間!

#欣澳 #長索 #長索島連沙洲 #郊遊 #輕鬆郊遊路線 #親子好去處 #短線遊 #看海 #日落 #香港美景


***********************************************************
更多生活分享和趣事, 有興趣可追蹤我架^^
Facebook: Mini Bubble Corner
IG: qbmama313

Blogspot❤ ❤She.com❤ ❤mamibuy❤ ❤U Blog❤ ❤Pixnet❤ ❤esdlife❤ 
Oh!爸媽❤ ❤ 親子日常❤ ❤sundaykiss❤ ❤wordpress
chef-diary❤ ❤cook1cook❤ ❤OpenRice

**********************************************************

沒有留言:

張貼留言