2019/08/04

[美食] 「ALOHA」夏威夷盛夏自助餐~ 鮮果海鮮大放送

夏天真係特別想食D色彩繽紛既食物, 趕走悶熱. 暑假多好多時間帶QB去玩同吃喝, 早前我就帶佢去尖沙咀皇家太平洋酒店Cafe on the Park品嚐佢地夏日限定既主題自助晩餐. 一入到酒店門口, 先比一個充滿熱帶風情既佈置吸引住, 今次既主題係「ALOHA」夏威夷盛夏派對, 投入熱情小島美食, 又係嶄新既自助餐體驗. 

餐廳內都充滿海島風情, 好有夏天感覺既佈罝, 令人覺得好有渡假心情. 

炎炎夏日, 特別對冷盤和海鮮鐘情. 自助餐供應的冰鎮海鮮, 魚生刺身, 煙薰三文魚, 火腿, 沙律, 日式冷麵等源源不絕供應, 


而最吸引是有龍蝦供應, 龍蝦會以鐵板燒的方式煎煮, 未煮前仍是鮮活的, 十分生猛. 

堂烤鮮龍蝦配菠蘿木瓜莎莎
鮮活龍蝦配以清新酸甜的菠蘿木瓜莎莎一同烤焗,有別於一般的芝士或蒜蓉焗, 口味特別, 龍蝦彈牙鮮嫩, 加上鮮甜果香, 更為清新, 也更有夏日風味. 
三文魚番茄沙律及黃鰭吞拿魚沙律
三文魚以以海鹽輕醃,配上海藻、檸檬汁、洋葱和番茄一同醃漬; 而黃鰭吞拿魚沙律則加入質感細滑的牛油果, 兩款沙律都很冰涼清新, 亦有別一般日式做法, 每口都充滿魚香果香. 
魚生刺身和壽司亦很新鮮澤潤, 十分高質. 
夏威夷餐肉壽司及象拔蚌壽司
當中以夏威夷餐肉壽司最為特別, 也是我第一次吃夏威夷火腿, 口感頗有嚼勁, 味道也清而有肉味, 不肥膩, 配壽司飯又出奇的match. 而且這個壽司比較特別, 是熱食的, 飯也不會加入壽司醋. 
焗鱈場蟹蓋伴蟹肉芝士意大利飯
另一不能錯過的就是這款蟹蓋意大利飯, 用上口感軟綿豐實、味道甘甜的鱈場蟹肉配上濃郁芝士意大利飯, 相當的香濃芝味十足, 口感綿韌很滋味. 
香肝煎鴨配粟米蓉
煎香的鵝肝配以粟米蓉和柑橘汁, 鵝肝沒有羶味, 煎得皮脆肉嫩, 入口即溶, 這個煮法卻又能減去鵝肝的油膩感. 
大海灣海鮮燴飯
充滿熱帶味道, 有點西班牙海鮮飯的影子, 燴飯以小瓦盅焗, 配以不同海鮮,包括龍蝦、帶子、蝦、大蜆、青口和魷魚,每一口盡是海鮮的精華, 飯粒作帶咬口, 海鮮香味滲入飯粒中, 十分鮮味. 
慢烤原隻卡魯瓦乳豬
原來夏威夷都有烤乳豬食, 做法也跟中式或西式的烤乳豬不同, 用蕉葉包裹原隻乳豬,加入香料慢煮48小時,先燻後焗令乳豬更入味, 同時保留肉汁和肉質嫩滑, 都幾特別. 
飲品方面除了有汽水, 果汁, 咖啡, 茶等任飲外, 也有夏威夷特飲供應.
以波蘿, 橙, 梨等鮮果鮮打而成, 味道有點似fruit punch, 好fresh好解渴消暑. 

甜品一直也是自助餐的另一個重點. 在甜品櫃中供應多款精緻甜點, 單睇都覺得淋瑯滿目! 甜品都以小碟或匙逐件盛上, 更為整潔, 也吃得更方便.

另外最令我瘋狂就係有個大大的Movenpick雪糕車, 有專人serve, 並有即造雞蛋仔, 窩夫等. 
雪糕有超過10款味道選擇, 全部都好想試, 見到都已經透心涼好開心, 夏天真係抗拒唔到雪糕既魔力, 來回食左幾次! 
仲有各式配料和果醬可以自行加入, 不過我就喜歡原汁原味只食雪糕, 已經夠晒消暑啦. 
唔好錯過既仲有滿滿海灣特色既限定甜品: 

夏威夷椰子布甸, 有好濃郁既椰子香味, 味道唔過甜, 幾好味. 
菠蘿夏威夷果仁撻, 亦是以椰子為主的甜品, 椰子撻底殼好有口感, 加入蛋白霜和滿滿椰絲, 不太甜, 好香好滿足. 
最後壓軸是火焰雪山, 表層是蛋白霜,淋上橙酒後點火, 視覺效果已是享受, 待火焰熄滅後切開, 內層為士多啤梨、椰子及朱古力 Mövenpick 雪糕,滲出頗濃烈酒香, 是雪糕的另類體驗, 但就不適合小朋友吃啊! 
最後吃一點新鮮水果, 為這個夏威夷完美作結, 十分飽足. 
吃飽飽後, QB說要影相, 還不停擺Post, 十分可愛呢! 
「ALOHA」夏威夷盛夏派對自助餐 
供應日期: 即日至 9月30日 
價錢: 成人$638 長者$578 小童$388 (星期一至五) 
          成人$688 長者$598 小童$438 (周末及公眾假期)
**恒生信用卡用戶尊享自助午餐及晚餐65折優惠。兩位成人可免費擕帶一位小童(8歲以下)

了解更多:http://bit.ly/ALOHAfiesta_tc
提前訂座享55折自助餐優惠:http://bit.ly/CafeonthePARK_BookNow

合作邀稿, 文章內容全屬真實分享及個人意見, 只供參考之用~

沒有留言:

張貼留言